Banqladeşdə gəmi batıb, 3 nəfər ölüb, 10-u itkin düşüb

Bakı. 31 mart. REPORT.AZ/ Banqladeşin mərkəzi hissəsindən keçən Meqna çayında bərənin batması nəticəsində azı 3 nəfər ölüb, 10 nəfər itkin düşüb.

"Report" xəbər verir ki, göyərtəsində 40-dan çox sərnişinin olduğu gəmi güclü dalğa şəraitində həddindən artıq yüklənməsi səbəbindən çevrilib.

Hadisə sahilə yaxın ərazidə baş verdiyindən, insanların əksəriyyəti özü üzərək sudan çıxa bilib.