Bakı. 6 iyul. REPORT.AZ/ Ötən həftə İraqın paytaxtı Bağdadda törədilən terror aktı nəticəsində ölənlərin sayı 250 nəfərə çatıb.
"Report" RİA "Novosti"yə istinadən xəbər verir ki, bu barədə ölkənin Səhiyyə Nazirliyinə istinadən "Reuters" məlumat yayıb.
Ötən həftə bazar gününə keçən gecə şəhərin xeyli sayda restoran və ticarət meydançslsrının yerləşdiyi mərkəzi rayonu Əl-Karradada minalanmış avtomobil partladılıb. Partlayış o qədər güclü olub ki, bir sıra binalarda yanğınla nəticələnib. Hücuma görə məsuliyyəti İŞİD terror qruplaşması öz üzərinə götürüb.