Bağdadda partlayış olub, 9 nəfər ölüb - FOTO

Bakı. 28 avqust. REPORT.AZ/ İraqın paytaxtı Bağdadın şərq hissəsində partlayış baş verib.

"Report" "Associated Press"ə istinadən xəbər verir ki, hadisə nəticəsində azı 9 nəfər həlak olub, 25 nəfər xəsarət alıb.

Bomba yüklü avtomobil bu gün şəhər bazarı yaxınlığında partlayıb. Yerli hökumət nümayəndələri ölənlərin sayının artacağını istisna etmir.

Hələlik bu hücuma görə heç kim məsuliyyəti üzərinə götürməyib.