Bağdadda baş verən partlayış nəticəsində iki nəfər ölüb, səkkiz nəfər yaralanıb

Bakı. 27 iyul. REPORT.AZ/ Bağdadın şimalında terrorçu-kamikadzenin hücumu nəticəsində azı iki nəfər ölüb, səkkiz nəfər yaralanıb.

"Report" "RİA Novosti"yə istinasən xəbər verir ki, İraq Daxili İşlər Nazirliyindəki mənbə terrorçu-kamikadzenin əş-Şula rayonunda polis nəzarət-buraxılış məntəqəsi yaxınlığında özünü partlatdığını bildirib.

Polisin ilkin hesablamasına görə, terror qurbanları arasında hüquq-mühafizə orqanlarının bir neçə əməkdaşı da var. Qeyd edilib ki, ölənlərin sayı arta bilər.