Bağdad bazarında partlayış törədilib, 8 nəfər ölüb

Bakı. 30 oktyabr. REPORT.AZ/ Bazar günü İraqın paytaxtı Bağdadın bazarlarından birində törədilən partlayış nəticəsində ən azı 8 nəfər həyatını itirib.

"Report" xəbər verir ki, bu barədə yerli polis və tibb işçilərinə istinadən "Reuters" məlumat yayıb.

İlkin məlumata görə, partlayıcı qurğu avtomobildə gizlədilib.

"Əl-Mada" agentliyinin məlumatına görə, təqribən on nəfər zərər çəkib.