Azərbaycan FHN nümayəndələri Dövlətlərarası Şuranın iclasına qatılacaqlar

Bakı. 16 noyabr. REPORT.AZ/ Noybarın 17-də Moskvada təbii və texnogen xarakterli fövqəladə hallar üzrə Dövlətlərarası Şuranın növbəti, sayca 29-cu iclası keçiriləcək.

"Report" Rusiya KİV-inə istinadən xəbər verir ki, görüşdə MDB ölkələrinin, o cümlədən Azərbaycan, Ermənistan, Belarus, Qazaxıstan, Qırğızıstan, Tacikistan, Türkmənistan nümayəndələri iştirak edəcək.

İclasın gündəliyində təhlükəsizlik sahəsində əməkdaşlığın daha da yaxşılaşdırılması məsələlərinin müzakirəsi, təbii və texnogen xarakterli fövqəladə hallar haqqında MDB-yə üzv dövlətlərin qarşılıqlı məlumatlandırılmasının nəzarət yoxlaması və s. kimi məsələlər var.

Həmçinin, gələcək əməkdaşlıq barədə bir sıra sazişlərin imzalanması da planlaşdırılır.