Avstriyada zavodda partlayış olub, ölən və yaralanan var

Bakı. 6 mart. REPORT.AZ/ Avstriyada silah zavodunda partlayış olub.

"Report" xəbər verir ki, bu barədə APA məlumat yayıb.

Bildirilir ki, hadisə nəticəsində 1 nəfər həlak olub. Partlayış zamanı həmçinin daha 1 nəfər ağır xəsarət alıb. O, xəstəxanaya yerləşdirilib. Həkimlərin sözlərinə görə, yaralının vəziyyəti sabitdir.

Məlumata görə, hadisə yaxınlıqdakı ərazidə yaşayan insanlar üçün təhlükə yaratmayıb.

Polis partlayışın səbəbini və başvermə şəraitini araşdırır. 

Avstriyanın paytaxtı Vyana şəhərində “Fiqlmüller” restoranında baş verən atışma nəticəsində 1 nəfər ölüb, 1 nəfər də yaralanıb.