Avstriyada baş verən qəzada 13 qadın xəsarət alıb

Bakı. 9 sentyabr. REPORT.AZ/ Avstriyanın şimal-şərqində sakinləri daşıyan qoşqulu traktor aşıb.

"Report" xəbər verir ki, bu barədə "Kurir" qəzeti məlumat yayıb.

Məlumata görə, hadisə Alxartsberq kommunasında baş verib. Qəza nəticəsində 13 qadın xəsarət alıb.

Hadisə yerinə təcili yardım maşınları və 3 vertolyot cəlb edilib. Yaralılardan 6-nın vəziyyətinin ağır olduğu bildirilir.

Hadisənin başvermə şəraiti araşdırılır.