Yuxarı
    Bağlamaq

    ​Avstraliyada hamilə qadın "Zika" virusuna yoluxub

    Cari il ölkədə Zikaya 5 yoluxma hadisəsi təsdiqlənib

    Bakı. 11 fevral. REPORT.AZ/ Avstraliyanın Kvinslend ştatında ilk dəfə hamilə qadının "Zika" virusuna yoluxması hadisəsi qeydə alınıb.

    "Report" TASS-a istinadən xəbər verir ki, bu haqda ştatın yerli hakimiyyəti məlumat yayıb.

    Məlumata görə, cari ildə "Zika"ya 5 yoluxma hadisəsi təsdiqlənib. 2015-ci ildə 13, 2014-cü ildə isə 7 yoluxma qeydə alınıb.

    Xəstəliyə tutulan Avstraliya vətəndaşlarının hamısı xarici səfərdən ölkəyə qayıdanlar olub.

    Yerli həkimlər bildirib ki, ölkə vətəndaşlarının narahatlığına əsas yoxdur, çünki qitədə bu virusun praktik daşıyıcısı yoxdur, onun daşıyıcılarına Kvinslend ştatının uzaq tropik rayonlarında rast gəlmək mümkündür.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi