Yuxarı

Avropa Şurasının baş katibi: "Britaniyadakı referendumun qərarına hörmət etmək lazımdır"

İndi hamı fikrini Avropa xalqları ailəmizi birləşdirməyə yönəltməlidir

Bakı. 24 iyun. REPORT.AZ/ Avropa Şurasının baş katibi Turbyorn Yaqland Böyük Britaniyada Avropa İttifaqı üzvlüyü ilə bağlı keçirilmiş referendumun nəticələrini şərh edib.

"Report" xəbər verir ki, T.Yaqland Britaniyadakı referendumun demokratik qərarına hörmət etmək lazım olduğunu vurğulayıb.

"Hazırda Avropa İttifaqı üçün ən yaxşı yol həm Böyük Britaniya, həm də Avropa vətəndaşları üçün ən uyğun nəticə əldə etmək məqsədilə Böyük Britaniya hökuməti ilə birgə işləməkdir. İndi hamı fikrini Avropa xalqları ailəmizi birləşdirməyə yönəltməlidir", - deyə norveçli baş katib bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi