Yuxarı

Avropa İttifaqı Rusiyanı İŞİD-in hədəf alınmadığı hava hücumlarını dərhal dayandırmağa çağırıb

Rusiya Müdafiə Nazirliyi son 24 saat ərzində Suriyada 53 hədəfi vurduğunu bildirib

Bakı. 13 oktyabr. REPORT.AZ/  Avropa İttifaqı Rusiyanı İslam Dövləti qrupu, ya da BMT-nin terrorçu təşkilat kimi tanıdığı başqa qrupların hədəf alınmadığı hava hücumlarını dərhal dayandırmağa çağırıb.

“Report” “Amerikanın Səsi”nə istinadən xəbər verir ki, Avropalı rəsmilər hesab edir ki, Rusiyanın siyasəti Suriyada vəziyyəti daha da gərginləşdirir.

Rusiya Müdafiə Nazirliyi son 24 saat ərzində Suriyada 53 hədəfi vurduğunu bildirib.

Pentaqon rəsmiləri və Ağ Ev Rusiyanın Suriyaya müdaxiləsini tənqid edib. Bunun əsas səbəbi yeni hərbi kampaniyanın Birləşmiş Ştatların dəstəklədiyi və Bəşər Əsədə qarşı olan bəzi müxalif qrupları hədəf almasıdır.

Qeyd edək ki, Birləşmiş Ştatlar 13 ay bundan əvvəl Suriyada İslam Dövlət qrupuna qarşı hava hücumları kampaniyasına başlasa da, bu addım İŞİD yaraqlılarının irəliləməsinin qarşısını ala bilməyib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi