Yuxarı
    Bağlamaq

    Avropa Parlamenti "Brexit" sazişini dayandıra biləcəyi ilə bağlı xəbərdarlıq edib

    Avropa Parlamentinin mövqeyini aydınlaşdıran qətnamə aprelin 5-də səsə qoyulacaq

    Bakı. 29 mart. REPORT.AZ/ Böyük Britaniyanın Avropa İttifaqından çıxışına (Brexit) dair saziş avropalıların Böyük Britaniyada yaşamaq və ora səfər etmək hüququnu saxlamasa, Avropa Parlamenti bu sənədi donduracaq.

    "Report" "The Guardian"a istinadən xəbər verir ki, bu barədə avrodeputatlar bildiriblər.

    "Brexit" üzrə Aİ-nin Danışıqlar Qrupunun rəhbəri Mişel Barnye və parlament üzvləri martın 29-nun - Britaniya hökumətinin Aİ-ni tərk etmək niyyətini Birliyə rəsmən elan etdiyi tarixin insanların sərbəst yerdəyişməsinə son qoyulacağı tarix olacağından çəkinir", - qəzet yazır.

    Qəzetin məlumatına görə, Avropa Parlamentinin mövqeyini aydınlaşdıran qətnamə aprelin 5-də səsə qoyulacaq. Bu qətnamə növbəti iki il ərzində Britaniyaya səfər edəcək avropalıların hüquqlarının məhdudlaşdırılmasının qarşısını almağa hesablanıb.

    Qeyd edək ki, bu gün Böyük Britaniyanın baş naziri Tereza Mey iki il davam etməsi gözlənilən "Brexit" prosedurunu rəsmən başladıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi