Yuxarı
    Bağlamaq

    Avropanın bəzi ölkələrində 40 nəfər güclü şaxtanın qurbanı olub

    Ölənlərin böyük qismi Polşanın payına düşür

    Bakı. 10 yanvar. REPORT.AZ/ Avropada güclü şaxtadan ölənlərin sayı 40-a çatıb.

    "Report" xəbər verir ki, bu barədə "DW" agentliyi məlumat yayıb.

    Məlumata görə, ölənlərin böyük qismi Polşanın payına düşür. Bu ölkədə təkcə ötən həftənin şənbə gecəsindən bazar gününə qədər 10 nəfər donub. Ümumilikdə Polşada şaxta qurbanlarının sayı 30 nəfərə çatıb.

    Çexiyada şaxtadan ölənlərin sayı 3-dən 6 nəfərə yüksəlib. Bu rəqəm Belarusda 2 nəfər təşkil edir.

    Daha 2 nəfər isə İtaliyada soyuqdan donub. Bunlardan biri istilik sisteminin olmadığı mənzildə dünyasını dəyişmiş 82 yaşlı təqaüdçüdür. Digər şəxs isə 78 yaşlı qocadır. O, küçəyə çıxarkən huşunu itirərək yıxılıb və aldığı zərbədən ölüb.

    Avropadakı güclü şaxtadan ölənlərin böyük qismi evsiz insanlardır.

    "Associated Press" isə İtaliyada 7 nəfərin öldüyünü xəbər verib. Agentliyin məlumatına görə, Bolqarıstan və Yunanıstandan da şaxtadan ölüm halları daxil olub.

    Qeyd edək ki, güclü şaxtalı hava şəraiti Avropanın bir sıra ölkələrində nəqliyyatın da hərəkətini iflic edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi