Yuxarı

Avrokomissiyanın sədri: "Brexit" Avropa İttifaqını təhdid etmir"

Jan-Klod Yunker: Aİ-nin gələcəyi təhlükə altında deyil

Bakı. 14 sentyabr. REPORT.AZ/ "Brexit" (Böyük Britaniyanın Avropa İttifaqından (Aİ) çıxması belə adlanır - "Report") Avropa İttifaqını təhdid etmir, ancaq Aİ bundan təəssüflənir".

"Report" "RİA Novosti"yə istinadən xəbər verir ki, bunu Avropa İttifaqı komisioyasının sədri Jan-Klod Yunker bildirib.

" Böyük Britaniyanın Aİ-dən çıxması haqda ərizəsini təəssüf hissi ilə mümkün qədər tez təqdim etməsini gözləyirik. Bütün dünyada uzaqdan və yaxından bizi müşahidə edən dostlarımızın və tərəfdarlarımızın "Brexit" Aİ-nin parçalanmasına gətirib çıxarmayacaq" sualına cavab vermək üçün bizim onların gözlərinə baxmağımız lazımdır. Biz Britaniyanın qərarına hörmət edir, eyni zaman bu prosesə təəssüflənirik. Ancaq Aİ-nin gələcəyi təhlükə altında deyil", - deyə, Yunker Avroparlamentin Strasburqdakı illik plenar sessiyasındakı çıxışında bildirib.

Xatırladaq ki, Britaniyanın baş naziri Tereza Mey krallığın Aİ-nin tərkibindən çıxması prosesinin ilin sonundək baş verməyəcəyini dəfələrlər vurğulayıb.

Qeyd edək ki, bu il iyunun 23-də Britaniyanın Aİ-də çıxması ilə bağlı referendum keçirilib. Həmin səsvermədə iştirak edən seçicilərin 52 faizi Britaniyanın Avropa İttifaqından çıxmasına, 48 faiz isə qalmasına səs verib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi