Yuxarı
    Bağlamaq

    ATƏT-in baş katibi: "İlin əvvəlindən Donbasda 140 dinc sakin ölüb"

    Son həftə ərzində atəşkəs rejimi 4 min dəfə pozulub

    Bakı. 25 aprel. REPORT.AZ/ 2017-ci ilin əvvəlindən Donbasdakı münaqişə zonasında 140 dinc sakin həyatını itirib.

    "Report" xəbər verir ki, bunu ATƏT-in baş katibi Lamberto Zanyer "Valday" beynəlxalq diskussiya klubunun meydançasında çıxışı zamanı bildirib.

    "Biz Donbasda dinc sakinlərin həyat şəraiti və təhlükəsizliyindən çox narahatıq. Cari ilin əvvəlindən münaqişə zonasında 140 mülki şəxs ölüb", - deyə o bildirib.

    Baş katibin sözlərinə görə, müşahidəçilər təkcə son bir həftə ərzində təxminən dörd min atəşkəs rejiminin pozulmasını qeydə alıblar.

    "Biz vəziyyətin pisləşdiyini və münaqişənin get-gedə daha çox siyasiləşdirildiyini müşahidə edirik", - deyə Zanyer qeyd edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi