Bakı. 21 May. REPORT.AZ/ Almaniya kansleri Angela Merkel bəyan edib ki, Avropa İttifaqı liderləri ilə 6 keçmiş sovet respublikası nümayəndələrinin Riqada keçirilən birgə zirvə toplantısı heç kimə, o cümlədən Rusiyaya qarşı yönəlmiş partnyorluq deyildir.
"Report" BBC-yə istinadən xəbər verir ki, bununla belə, xanım Merkelin fikrincə Rusiya hələlik böyük 7-lərin (G-7) qrupuna qayıda bilməz.
“Rusiya ümumi təməl dəyərlərə əməl etməyincə, bizim üçün onun G8 formatına qayıtması təsəvvür edilməzdir” – deyib Almaniya kansleri.
Xatırladaq ki, G-7 qrupu gələn ay cənubi Almaniyanın Elmau şəhərində görüş keçirməlidir.