Bakı. 14 mart. REPORT.AZ/ Bundestaq dördüncü dəfə ardıcıl olaraq Angela Merkeli Almaniyanın kansleri seçib.
Bu barədə "Report" RİA "Novosti"yə istinadən xəbər verir.
"Angela Merkel səs çoxluğu ilə kansler seçilib", - Bundestaq rəhbəri Volfqanq Şoyble deyib.
Gizli səsvermənin nəticələri deputatların sürəkli alqışları ilə qarşılanıb.
Xatırladaq ki, Angela Merkelin namizədliyi ölkə Prezidenti Frank-Valter Ştaynmayer tərəfindən irəli sürülüb.