Almaniyanın yeni xarici işlər nazirinin adı məlum olub

Bakı. 8 mart. REPORT.AZ/ Almaniyanın yeni xarici işlər naziri hazırkı ədliyyə naziri Xayko Maas olacaq.

“Report” TASS-a istinadən xəbər verir ki, o, Almaniya Sosial-Demokrat Partiyasının (ASDP) üzvüdür.

Bildirilib ki, ASDP bunu martın 9-da rəsmi olaraq açıqlayacaq.

Hazırkı xarici işlər naziri Ziqmar Qabrielin yaxın zamanda səlahiyyət müddəti başa çatacaq. Xayko Maas 2013-cü ildən ədliyyə naziridir.