Yuxarı
    Bağlamaq

    Almaniyalı deputat dini ayinlərə görə müsəlmanların vergi ödəməsini təklif edib

    Aleksander Radvan: Məscidlərin xaricdən gələn maliyyəsini dayandırsaq, onların maliyyələşməsini yerində təmin etmək lazımdır

    Bakı. 20 aprel. REPORT.AZ/ Almaniya bundestaqının hakim Xristian Sosial İttifaqı (XSİ) koalisiyasından olan deputatı Aleksander Radvan dini ayinlərin yerinə yetirilməsinə görə müsəlmanların xüsusi vergi ödəməsini təklif edib.

    "Report" TASS-a istinadən xəbər verir ki, müvafiq təşəbbüsü siyasətçi "Süddeutsche Zeitung" qəzetində dərc olunmuş müsahibəsində irəli sürüb.

    "Məscidlərin xaricdən gələn maliyyəsini dayandırsaq, onların maliyyələşməsini yerində təmin etmək lazımdır", - deyə A.Radvan bildirib.

    Onun sözlərinə görə, bunu katoliklər və protestantlar üçün mövcud kilsə vergisinə bənzər formada təşkil etmək olar.

    Qeyd edək ki, hazırda Almaniyada "yeni dalğa" qaçqınlarını saymasaq, 3,8-4,3 milyon müsəlman yaşayır. Bu isə ümumi əhalinin təxminən 5%-i deməkdir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi