Almaniyada tibb mərkəzinə silahlı hücum olub, iki həkim öldürülüb

Bakı. 15 dekabr. REPORT.AZ/ Almaniyanın Marburq şəhərində baş verən atışma nəticəsində 2 həkim öldürülüb.

“Report” TASS-a istinadən xəbər verir ki, bu barədə şəhər prokurorluğu məlumat yayıb.

İnformasiyaya görə, hadisə xüsusi tibbi mərkəzdə baş verib. Naməlum şəxslər mərkəzə silahlı basqın edib. 

Polis hadisə yerinə yaxın ərazidə yerləşən vağzaldan insanları təxliyə edib.