Almaniyada koronavirusa yoluxanların sayı 9 300-ü ötdü

Almaniyada koronavirusa yoluxanların sayı 9 367 nəfərə çatıb.

“Report” xəbər verir ki, bu barədə "N-tv" telekanalı ölkənin federal ərazilərindən daxil olmuş məlumatlara əsasən bildirib.

DPA agentliyi isə bundan əvvəl ölkədə koronavirusa 8 598 yoluxma barədə xəbər verib. Son məlumatlara görə, ölkədə xəstəliyin fəsadlarından 26 nəfər ölüb.

Qeyd edək ki, koronavirus ilk dəfə ötən ilin sonlarında Çinin Uhan şəhərində qeydə alınıb. 

Son məlumatlara görə, dünyada 180 mindən çox insan COVİD-19-a yoluxub, təxminən 7 min nəfər koronavirusun qurbanı olub.