Yuxarı
    Bağlamaq

    ​Almaniyada dəmiryolçular 7 günlük tətil elan ediblər

    Bu, vaxtına görə indiyə qədər keçirilən ən uzunmüddətli tətil olmalıdır

    Bakı. 4 may. REPORT.AZ/ Almaniyada dəmiryolçular növbəti, bu dəfə daha uzunsürən tətil etmək qərarına gəliblər.

    "Report" "Deutsche Welle"yə istinadən xəbər verir ki, alman maşinistlərinin Həmkarlar İttfaqı GDL mayın 3-də yük və sərnişin daşımalarında müvafiq olaraq yeddi və altı gün müddətinə xidmətin dayandırılmasına çağırıb.

    Yük daşımaları mayın 4-də yerli vaxtla saat 15:00-da, sərnişindaşıma isə 5 may tarixində saat 02:00-də dayandırılacaq. Tətilin 10 may saat 09:00-da başa çatdırılması planlaşdırılır.

    Bu, GDL tərəfindən indiyədək keçirilən tətillər içərisində ən uzunu olmalıdır.

    Aprelin 20-də aparılan danışıqlardan sonra "Deutsche Bahn" (DB) konserni Həmkarlar İttifaqına iyuldan etibarən əmək haqlarının tədricən 4,7 faiz artırılacağını təklif edib. Təklifdə, həmçinin 1000 avro həcmində birdəfəlik ödənişlərin edilməsi də yer alıb. Lakin Həmkarlar İttifaqı başqa tələblər də irəli sürür. GDL yeni əmək müqavilələrinin, həm də təkcə maşinistlərlə deyil, DB-nın digər əməkdaşları ilə, xüsusilə də, bələdçilərlə bağlanmasını tələb edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi