Almaniyada 127 min "Audi" avtomobili geri çağırılır

Bakı. 21 yanvar. REPORT.AZ/ Almaniyanın Federal Avtomobil İdarəsi "V6 TDI" dizel yanacağı ilə işləyən "V6 TDI" mühərrikli 127,8 min "Audi" markalı avtomobili icbari qaydada geri çağırmağı tapşırıb.

"Report" RİA "Novosti"-yə istinadən xəbər verir ki, buna səbəb CO2 tullantıları ilə bağlı qalmaqal olub.

Bildirilir ki, A4, A5, A6, A7, A8, Q5 və Q7 modellərində təmizləmə sisteminin qanunsuz söndürülmə mexanizmləri qeydə alınıb.

Bundan əlavə, 2017-ci ildən əvvəl istehsal olunan Audi A8 avtomobillərin satışına qadağa tətbiq edilməsi istisna olunmur.

Fevralın 2-dək "Audi" şirkət yaranmış çətinliklərin aradan qaldırılması üçün idarəyə təşəbbüslərini təklif etməlidir.