Almaniya Ukraynaya 686 milyon avroluq hərbi məhsullar tədarük edib

Almaniya hökuməti Ukraynaya 686 milyon avro dəyərində hərbi məhsullar tədarük edib.

“Report” xəbər verir ki, bu barədə Almaniya Federal İqtisadiyyat və İqlim Mühafizəsi Nazirliyinin hesabatında deyilir.

Qeyd edilib ki, Almaniya hökuməti bu il, təxminən, 5,1 milyard avro dəyərində hərbi məhsulların tədarükünü təsdiqləyib.

Ukrayna isə NATO üzvü və alyansa tərəfdaş olmayan ölkələr arasında Almaniya istehsalı olan silahların ən mühüm alıcısına çevrilib.