Almaniya Ukraynaya 381 milyon avroluq yeni humanitar yardım paketini elan edib

Almaniya Ukraynaya 381 milyon avroluq yeni humanitar yardım paketini elan edib.

“Report” xarici KİV-ə istinadən xəbər verir ki, bunu Almaniyanın xarici işlər naziri Annalena Berbok Londonda Ukraynanın bərpası üzrə konfransda çıxışı zamanı deyib.

Onun sözlərinə görə, yeni humanitar yardım paketinin həcmi 381 milyon avro dəyərindədir: “Bu yardım generatorlar, çadırlar və digər avadanlıqlara sərf olunacaq”.

Nazir bildirib ki, Almaniya minatəmizləmə işində Ukraynaya yardımı davam etdirəcək.

A.Berbok xatırladıb ki, Almaniya artıq Ukraynaya 16,8 milyard avro dəstək verib.