​Aktyor Til Şvayger qaçqınların taleyi barədə film çəkəcək

Bakı. 8 dekabr. REPORT.AZ/ Məşhur alman aktyoru Til Şvayger qaçqınların taleyi barədə film çəkmək niyyətindədir.

Bu barədə"Report" "RİA Novosti"yə istinadən xəbər verir.

"Biz qaçqınlar mövzusunu davam etdirmək niyyətindəyik", - Şvayger deyib.

Qeyd edək ki, bu ilin sentyabrında Til Şvayger Aşağı Saksoniyalı nazir Boris Pistorius ilə birgə Osnabryukda yerləşən qaçqın sığınacağını ziyarət edib. Ziyarətdən sonra T.Şvagyer bildirib ki, onun fondu Almaniyada qaçqınlar üçün sığınacaqların təminatı məsələsinə köməklik edəcək. "Til Şvayger Fondu" bu ilin yayında təsis edilib. Yığılmış vəsait qaçqın uşaqlarına kömək məqsədilə xərclənəcək.