Aİ Şurası rusiyalı biznesmenlərin qohumlarının da “qara siyahı” salınmasına icazə verib

Avropa İttifaqı Şurası Rusiyanın biznes mühitinə qarşı sanksiyaların tətbiqi meyarlarını genişləndirib.

“Report” xəbər verir ki, Şuranın 5 iyun 2023-cü il tarixli 2023/1089 saylı əsasnaməsinə müvafiq dəyişiklik edilib.

Düzəliş Aİ-yə Rusiyanın biznesmenlərinin qohumlarına da qarşı sanksiyalar tətbiq etməyə imkan verəcək.

Düzəlişdən əvvəl Avropa yalnız Rusiya hökumətinə əhəmiyyətli gəlir mənbəyi təmin edən iqtisadiyyatın sektorlarında iştirak edən aparıcı sahibkarlar, hüquqi şəxslər, strukturlar və ya təşkilatları sanksiyalar siyahısına daxil edə bilərdi.