Aİ Şurası Brüsseli Ukraynaya əlavə 3 milyard avronu vaxtında ayırmağa çağırıb

Avropa İttifaqı (Aİ) Şurası Avropa strukturlarını Ukraynaya vəd edilən 3 milyard avroluq makromaliyyə yardımını vaxtında ayırmağa çağırıb.

“Report” “İnterfaks-Ukraina”ya istinadən xəbər verir ki, bu barədə Avropa liderlərinin Brüsseldə keçirilən sammitindən sonra verilən bəyanatda deyilir.

Orada, həmçinin qeyd edilir ki, Ukraynanın vahid Avropa bazarına çıxışını asanlaşdırmaq üçün Assosiasiya Sazişi, eləcə də Azad Ticarət Zonası Sazişinin bütün potensialından istifadə edilməlidir.