Avropa İttifaqının növbəti sammitində Böyük Britaniya iştirak etməyəcək

Rumıniyanın Sibiu şəhərində mayın 9-da keçiriləcək Avropa İttifaqının (Aİ) qeyri-rəsmi sammitində Böyük Britaniya iştirak etməyəcək.

“Report” xarici KİV-ə istinadən xəbər verir ki, bu il oktyabrın 31-dən Aİ üzvlüyünü tərk edəcək Böyük Britaniya üçün sözügedən tədbirdə iştirak etmək vacib deyil.

Avropa İttifaqının 27 üzv ölkəsinin təmsil olunacağı Sibiu qeyri-rəsmi sammitində Böyük Britaniyanın üzvlükdən çıxmasından sonrakı dövr üçün təşkilatın gələcəyi müzakirə olunacaq.