Aİ-də Ebola virusu ilə səkkiz yoluxma halı müəyyən olunub

Bakı. 8 oktyabr. REPORT.AZ/ Avropa İttifaqı (Aİ) ölkələrində Ebola virusu ilə səkkiz yoluxma halı müəyyən olunub. "Report" "İTAR-TASS"a istinadən xəbər verir ki, bu barədə Avropa Komissiyasının nümayəndəsi Frederik Vensan bəyan edib. O həmçinin bildirib ki, "epidemiya riski yoxdur". 

"Xəstəliyin bütün halları Afrikanın yoluxan regionlarından qayıdan şəxslərlə bağlıdır" - deyə, o qeyd edib. 

Frederik Vensan xüsusilə vurğulayıb ki, Avropada "bu xəstəliklə bağlı ciddi prosedurlara" əməl olunur, buna görə də "xəstəliyin yayılma riski və ya epidemiyanın başlanma riski yoxdur".