Ağ evin yeni mətbuat katibi məlum olub

Bakı. 21 iyul. REPORT.AZ/ Ağ evin istefa vermiş mətbuat katibi Şon Spayserin əvəzinə Sara Sanders təyin olunub.

"Report" xəbər verir ki, bu barədə cümə günü jurnalistlər üçün keçirilən brifinqdə Ağ evin kommunikasiya üzrə yeni direktoru Entoni Skaramuççi bildirib.

"Mən, hər şeydən əvvəl, rəsmən elan etmək istərdim ki, Sara Hakabi-Sanders mətbuat katibi olacaq, odur ki, sonra siz onu təbrik edə bilərsiniz", - deyə Skaramuççi bildirib.