Afrikada koronavirusa yoluxanların sayı 5,77 milyon nəfəri ötüb.
"Report" xəbər verir ki, bu barədə Ümumdünya Səhiyyə Təşkilatının (ÜST) regional nümayəndəliyindən bildirilib.
Qeyd olunub ki, hazırda Afrikada koronavirusa 5 776 300 nəfər yoluxub, onlardan 148 730 nəfəri vəfat edib, 4,9 milyondan artıq insan isə sağalıb.
Bildirilir ki, ən çox yoluxma və ölüm halları Cənubi Afrika Respublikasında (CAR) qeydə alınıb - 2 112 336 yoluxma.