Bakı. 28 noyabr. REPORT.AZ/ ABŞ Yəmənə 131 milyon dollar məbləğində humanitar yardım göstərib.
“Report” “RİA Novosti”yə istinadən xəbər verir ki, bu barədə ABŞ-ın dövlət katibi Mayk Pompeo “Twitter” səhifəsində yazıb.
O, son 14 ay ərzində Yəmənə 697 milyon dollarlıq humanitar yardım göstərdiklərini qeyd edib.
Xatırladaq ki, 2014-ci ildən Yəməndə hökumətlə husi qiyamçıları arasında silahlı qarşıdurma davam edir.