Yuxarı

ABŞ Yəməndəki səfirliyinin fəaliyyətini dayandırıb

Birləşmiş Ştatlar Yəməndəki vətəndaşlarına çağırış edib

Bakı.11 fevral. REPORT.AZ/ ABŞ-ın Yəmənin paytaxtı Sanadakı səfirliyi bu gündən fəaliyyətini dayandırıb.

"Report" "RİA Novosti"yə istinadən xəbər verir ki, bu haqda səfirlik məlumat yayıb.

"Sanada vəziyyət pisləşdiyindən, ABŞ Dövlət Departamenti 2015-ci il fevralın 11-dən fəaliyyətini dayandırır", - orada bildirilib.

Bəyanatda qeyd edilib ki, bütün konsul xidmətləri "növbəti sərəncamadək dayandırılıb".

Bundan başqa, Dövlət Departamenti ABŞ vətəndaşlarına Yəmənə getməkdən çəkinməyi, orada olanlara isə ölkəni tərk etməyi məsləhət görüb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi