ABŞ Venesuelaya qarşı sanksiyalar siyahısını genişləndirdi

ABŞ Venesuela hakimiyyətinə qarşı sanksiyaları genişləndirərək, siyahıya bu ölkənin üç vətəndaşının, səkkiz şirkətinin və iki neft tankerinin adlarını əlavə edib.

“Report” xəbər verir ki, bu barədə ABŞ-ın Maliyyə Nazirliyinin xəbərində deyilir.

Eyni zamanda siyahıdan iki tanker və iki şirkətin adları çıxarılıb.

ABŞ 2019-cu ilin yanvarından Nikolas Maduronu ölkə prezidenti kimi tanımır. Birləşmiş Ştatlar Venesuela müxalifətinin özünü prezident elan etmiş lideri Xuan Quaydonu müvəqqəti dövlət başçısı hesab edir.