ABŞ Suriyadakı neft yataqlarına nəzarət etmək niyyətindədir

ABŞ-ın müdafiə naziri Mark Esper ordunun Suriyadakı neft yataqlarına nəzarət etməsinin həm İŞİD-dən qorunmaq, həm də rəsmi Dəməşqə müxalif olan Suriyanın Demokratik Qüvvələri Hərbi İttifaqının ora çıxışını təmin etmək baxımından zəruri olduğunu söyləyib.

"Report" xəbər verir ki, bu barədə "İnterfaks" məlumat yayıb.

"Bu qaynaqlar Demokratik Qüvvələrin öz missiyasını yerinə yetirməsi, bölgədə edilməli olan işləri görməsi üçün vacibdir", - nazir jurnalistlərə bildirib.

Daha əvvəl oktyabrda "The Wall Street Journal" Ağ evin Suriyanın şimal-şərqindəki neft yataqlarını qorumaq üçün 500 ABŞ əsgərini oraya göndərmək variantı üzərində düşündüyünü yazmışdı.