Yuxarı

ABŞ sərhədçiləri içərisində 6 ton kokain olan sualtı qayığı xilas ediblər

Kiçik ölçülü sualtı qayıqda təqribən 200 mln. dollar dəyərində kokain olub

Bakı. 26 mart. REPORT.AZ/ ABŞ-ın Gömrük nəzarəti və sərhəd Xidmətinin əməkdaşları Sakit okean sahillərində qəzaya uğrayan sualtı qayıq aşkar ediblər. Operativ tədbirlər nəticəsində, qayıq sudan çıxarılıb və onun heyəti xilas edilib.

"Report" xarici mətbuata istinadən bildirir ki, kiçik ölçülü sualtı qayıqda ümumi dəyəri təqribən 200 mln. dollar olan 5,5 ton həcmində kokain olub. Hadisə martın 2-də baş versə də, bu barədə yalnız indi məlum olub.

Qayıq yedəyə alınaraq sahilə çıxarılıb. Gəmidə olan dörd nəfər həbs olunub. ABŞ-ın hökumət nümayəndələri vurğulayıblar ki, dövlət sərhəd xidmətinin əməkdaşları bu kimi daşımaların qarşısını almaq üçün bütün vasitələrdən istifadə edəcək.

Qeyd edək ki, 2015-ci ildə 200 əməliyyat keçirən sahil mühafizəçiləri qaçaqmalçılardan təxminən 96 ton narkotik müsadirə ediblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi