Yuxarı
    Bağlamaq

    ABŞ senatorları Rusiyaya qarşı sanksiyaları genişləndirməyi planlaşdırır

    ABŞ-ın Demokratlar və Respublikaçılar Partiyalarından olan bir sıra senatorlar sanksiyaları genişləndirəcəklərinə söz verib

    Bakı. 30 dekabr. REPORT.AZ/ ABŞ-ın Demokratlar və Respublikaçılar Partiyalarından olan bir sıra senatorlar Birləşmiş Ştatların seçki sisteminə müdaxilə və Suriya və Ukraynada münaqişələrlə əlaqədar 2017-ci ilin yanvar ayından Rusiyaya qarşı sanksiyaları genişləndirəcəklərinə söz veriblər.

    Bu barədə "Report" "The Hill"ə istinadən xəbər verir.

    "İcra hakimiyyəti tədbirlər görüb, amma hökumətin qanunverici qanadının da estafeti qəbul edib irəli addımlaması vacibdir. Qanunvericilik sanksiyaları icra hakimiyyətinin sanksiyalarını tamamlaya və gücləndirə bilər", - deyə Beynəlxalq Əlaqələr Komitəsinin demokrat üzvü Ben Kardin bildirib.

    Öz növbəsində, Respublikaçı senator Con Makkeyn və onun partiya tərəfdaşı, Nümayəndələr Palatasının sədri Pol Rayan prezident Barak Obamanın sanksiyalarını gecikmiş hesab etdiklərini vurğulayıblar. C.Makkeyn bu addımların çoxdan vaxtının çatdığını və gələn il daha sərt məhdudiyyətlərin olacağını elan edib.

    Qeyd edək ki, daha əvvəl ABŞ prezidenti Barak Obama Rusiyaya qarşı yeni sanksiyalar haqqında sərəncam imzalayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi