ABŞ Senatının Silahlı qüvvələrin işi üzrə komitəsi 740 milyard ABŞ dolları həcmində müdafiə büdcəsini təsdiq edib.
“Report” “RİA Novosti”yə istinadən xəbər verir ki, bu barədə səsvermənin nəticələri göstərir.
Büdcənin lehinə 25, əleyhinə isə 2 komitə üzvü səs verib.
Qanun layihəsi hələ Senatın bütöv üzvləri tərəfindən qəbul edilməlidir. Daha sonra Nümayəndələr Palatasının layihəsi ilə razılaşdırılacaq və zəruri hallarda yenidən səsverməyə çıxarılacaq.
Bütün bu prosedurlardan sonra imzalanması üçün prezident Donald Trampa təqdim ediləcək.