ABŞ səfiri: "G7 ölkələri Zelenskinin sülh planını dəstəkləyir"

"ABŞ və digər G7 ölkələri Ukrayna Prezidenti Volodimir Zelenskinin sülh planını dəstəkləyir".

“Report” “Ukrinform”a istinadən xəbər verir ki, bunu ABŞ-ın Ukraynadakı səfiri Bricit Brink deyib.

Onun sözlərinə görə, ABŞ və G7 ölkələri Zelenskinin sülh planının müharibəni bitirmək üçün məqsədəuyğun plan olduğuna inanır: “Bu gün Rusiya yenidən Ukrayna şəhərlərinə 70 raket atıb. İndi tam aydındır ki, ruslar müharibəni bitirmək istəmirlər. ABŞ Zelenskinin planında təklif olunan sülhü dəstəkləyir”.

Qeyd edək ki, Zelenskinin təklifinə görə sülh üçün rus qoşunları tutduqları Ukrayna ərazilərindən çıxmalıdır.