Yuxarı

ABŞ prezidenti müdafiə naziri postuna namizədinin adını açıqlayıb

Eşton Karter 2009-2013-cü illərdə ABŞ müdafiə nazirinin müavini vəzifəsini icra edib

Bakı. 5 dekabr. REPORT.AZ/ ABŞ prezidenti Barak Obama müdafiə naziri postuna namizədin adını açıqlayıb. "Report"un "Anadolu" agentliyinə istinadən verdiyi xəbərə görə, B.Obama bu vəzifəyə 2009-2013-cü illərdə ABŞ Müdafiə Nazirliyində (Pentaqon) nazir müavini vəzifəsini icra edən Eşton Karterin namizədliyini irəli sürüb. ABŞ prezidenti Ağ Evdə təşkil olunan mərasimdə E.Karteri illərdir tanıdığını, bir yerdə işlədiyini, onun mühakimələrinə və tövsiyələrinə inandığını, beynəlxalq aləmdə tanındığını, həm demokrat, həm də respublikaçı nazirlərlə birlikdə çalışdığını bildirib.

Qeyd edək ki, E.Karter həm Çak Heygel, həm də sələfi Leon Panetta ilə işləyib. O bundan əvvəl həm B.Obama, həm də keçmiş prezident Bill Klinton dövrlərində Pentaqonda müxtəlif vəzifələrdə çalışıb.

Xatırladaq ki, ötən həftə vəzifəsindən istefa verən Ç.Heygel yeni müdafiə nazirinin ABŞ Senatında təsdiqlənməsinədək postunda qalacağını açıqlayıb. Ancaq Ç.Heygel ənənəyə zidd olaraq bugünkü mərasimə qatılmayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi