ABŞ prezidenti ilə Macarıstanın baş naziri arasında telefon danışığı olub

Bakı. 17 iyun. REPORT.AZ/ ABŞ prezidenti Donald Trampla Macarıstanın baş naziri Viktor Orban arasında telefon danışığı olub.

"Report"un "RT"ə istinadən məlumatına görə, bu barədə Ağ Evin mətbuat xidməri xəbər verib.

Xəbərdə bildirilir ki, Tramp Orbanı ölkədə yeni hökumət formalaşdırması münasibəti ilə təbrik edib. Tərəflər həmçinin Sinqapurda ABŞ-la KXDR arasında keçirilən sammiti, həmçinin rəsmi Vaşinqtonla Budapeşt arasındakı münasibətləri müzakirə ediblər. 

Hər iki tərəf eyni zamanda Birləşmiş Ştatlarla Macarıstan arasında sıx əməkdaşlığı saxlamağı üzərinə götürüb.