Yuxarı
    Bağlamaq

    ABŞ prezidenti Argentinada səfərdədir

    Səfər Argentinada 1976-ci ildə ABŞ tərəfindən dəstəklənən hərbi çevrilişin 40-cı ildönümünə təsadüf edir

    Bakı. 23 mart. REPORT.AZ/ ABŞ prezidenti Barak Obama Kubaya tarixi səfərini tamamladıqdan sonra Argentinaya gəlib. "Report" "Anadolu"ya istinadən xəbər verir ki, bu, 1997-ci ildən bəri Buenos-Ayresə Birləşmiş Ştatlardan prezident səviyyəsində edilən ilk səfərdir.

    Məlumata görə, B.Obama və ailəsini Buenos-Ayresin Ezeiza Ministro Pistarini Beynəlxalq Hava Limanında Argentina xarici işlər naziri Susana Malkorra, ABŞ-ın Buenos-Ayresdəki səfiri Noa Mamet qarşılayıb.

    Xəbərdə ABŞ prezidentinin Argentina dövlət başçısı Maurisio Makri tərəfindən martın 23-də Kasa Rosadada qəbul ediləcəyi qeyd olunub. B.Obamanın martın 24-də səhər saatlarında isə Argentinada hərbi diktatura dövrünün qurbanlarının xatirəsinə ucaldılmış "Parque de la Memoria" abidəsini ziyarət edəcəyi, daha sonra ölkənin cənubundakı turizm bölgəsi olan Bariloçeyə gedəcəyi vurğulanıb.

    Qeyd edək ki, səfər Argentinada 1976-ci ildə ABŞ tərəfindən dəstəklənən hərbi çevrilişin 40-cı ildönümünə təsadüf edir. Bu səbəbdən paytaxt Buenos-Ayresdə B.Obama əleyhinə etiraz aksiyalarının da keçirilməsi gözlənilir. Ona görə də ciddi təhlükəsizlik tədbirləri görülüb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi