ABŞ prezidenti və Aİ liderləri Rusiyaya qarşı sanksiyaların müddətinin uzadılması ilə bağlı razılığa gəliblər

Bakı. 18 noyabr. REPORT.AZ/ ABŞ Prezidenti Barak Obama Avropa İttifaqı (Aİ) ölkələrinin liderləri Ukraynanın şərqindəki və Suriyadakı vəziyyətə görə Rusiyaya qarşı sanksiyaların müddətinin uzadılması ilə bağlı razılıq əldə ediblər.

Bu barədə "Report" "İnterfaks"a istinadən xəbər verir.

Bildirilib ki, Berlində keçirilən görüşdə ABŞ Prezidenti Barak Obama, Fransa lideri Fransua Olland, Almaniya kansleri Angela Merkel, Böyük Britaniyanın Baş naziri Tereza Mey, İtaliya Nazirlər Şurasının rəhbəri Matteo Rentsi və İspaniya hökumətinin nümayəndəsi Mariano Raxoy iştirak ediblər.

Siyasətçilər belə qərara gəliblər ki, Rusiyaya qarşı sanksiyalar Minsk sazişlərinin həyata keçirilməsinə qədər qüvvədə qalacaq.