Yuxarı

ABŞ Koreya-Özbəkistan hərbi sazişinə qarşı çıxıb

ABŞ ehtiyat edir ki, Rusiyaya Özbəkistana satılacaq təyyarələrin sirlərini öyrənə bilər

Bakı. 25 oktyabr. REPORT.AZ/ Cənubi Koreya ilə Özbəkistan arasında aparılan "T-50 Golden Eagle" tipli hərbi-təlim təyyarələrinin satışına dair danışıqlara ABŞ əngəl olub.

"Report"un "Gazeta.Ru" saytına istinadən verdiyi xəbərə görə, rəsmi Seul 12 ədəd hərbi-təlim təyyarəsinin Daşkəndə ixracına çalışsa da ABŞ höküməti 400 milyon dollar dəyərindəki bu sazişə qarşı çıxıb.

"T-50 Golden Eagle" tipli təyyarələr 2006-cı ildən etibarən Korea Aerospace Industries' (KAI) və Lockheed Martin şirkətlərinin birgə səyləri və amerika texnologiyalarının tətbiqi hesabına istehsal olunur.

ABŞ ehtiyat edir ki, Rusiya Özbəkistana satılacaq təyyarələrin "sirlərini" öyrənə bilər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi