Yuxarı
    Bağlamaq

    ​ABŞ ordusunda iki ildə 40 min hərbçi ixtisar ediləcək

    Pentaqon: ABŞ-ın xaricdəki hərbi bazalarının əhəmiyyətli dərəcə azaldılması da nəzərdə tutulub

    Bakı. 23 oktyabr. REPORT.AZ/ Pentaqon 2017-ci ildə 40 min hərbçini ixtisar etməyi planlaşdırır.

    "Report" TASS-a istinadən xəbər verir ki, bu haqda ABŞ Müdafiə Nazirliyinin mətbuat xidmətinin dərc etdiyi sənəddə bildirilib.

    Bu sənəd bir müddət öncə Konqresə təqdim edilib.

    "2017-ci maliyyə ilindən gec olmayaraq, 40 min hərbçi ixtisarı ilə bağlı qrafikə ordu əməl etməlidir. Bundan başqa, ABŞ-ın xaricdəki hərbi bazalarının əhəmiyyətli dərəcədə azaldılması da nəzərdə tutulub. 450 minlə (ABŞ ordusundakı hərbçilərin sayı - "Report") müqayisədə ixtisar elə nəzərəçarpacaq deyil", - nazirliyin təhlilçilərinin hazırladıqları sənəddə bildirilib.

    Plana əsasən, ABŞ ordusunun demək olar ki, bütün obyektlərində, o cümlədən hərbi düşərgə, limanlarda hərbçilər ixtisar ediləcək. Daha çox ixtisar ölkənin Corciya, Texas, Alyaska, Vaşinqton və Havay ştatlarındakı 6 hərbi bazasında gerçəkləşdiriləcək.

    Müdafiə Nazirliyi 2019-cu ilədək hərbi obyektlərdəki mülki vəzifəlilərin də sayını 17 min nəfərədək ixtisar etmək niyyətindədir.

    2010-cu ildən indiyədək ABŞ ordusunda 80 min hərbçi ixtisar edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi