Yuxarı

ABŞ Nigerdə dron bazası tikintisini təsdiq edib

Pentaqon Aqades şəhərində yeni hərbi bazanın inşası üçün 50 milyon dollar ayırıb

Bakı. 30 sentyabr. REPORT.AZ/ Pentaqon Nigerin şimalında yerləşən Aqades şəhərində yeni hərbi bazanın inşası üçün 50 milyon dollar ayırıb.

"Report" BBC-yə istinadən xəbər verir ki, bazadan qonşu Mali, Nigeriya və Liviyada terrorçulara qarşı mübarizədə istifadə olunması nəzərədə tutulub.

Yeni strateji obyektin zərbə gücünün əsas hissəsini dronların (pilotsuz uçan aparatların) təşkil edəcəyi gözlənilir. Bazanın artıq gələn il tikilib istifadəyə veriləcəyi bildirilir.

ABŞ hərbi orqanının mətbuat katibi Mişel Baldanzının sözlərinə görə, Pentaqon Aqadesdə yeni uçuş-enmə zolağı, infrastruktur obyektlərinin tikintisinin və müvafiq xidməti yardımın qarşılığını ödəyəcək.

Qeyd edək ki, hazırda Nigerin paytaxtı Niameydə - Aqadesdən 900 km cənubda yerləşən şəhərdə olan 101 nömrəli Fransa bazasında bir neçə amerikalı hərbçi və "MQ-9 Reaper" dronları fəaliyyət göstərir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi