ABŞ müdafiə naziri: "Ukraynaya rekord sürətlə təhlükəsizlik yardımı göndərmişik"

“İndiyədək ABŞ Ukraynaya ciddi həcmdə hərbi yardım göndərib”.

“Report” xəbər verir ki, bunu ABŞ-ın müdafiə naziri Lloyd Ostin tviter səhifəsində yazıb.

“Biz Ukraynaya rekord sürətlə təhlükəsizlik yardımı göstərmişik. Bütün dünya döyüş meydanında yaranan fərqi görür. Rusiya Prezidenti Vladimir Putin heç vaxt təsəvvür etməzdi ki, dünya Ukraynanın arxasında bu qədər sürətlə və əminliklə dayanacaq”, - nazir bildirib.