Bakı. 16 mart. REPORT.AZ/ ABŞ-ın Mərkəzi Komandanlığı İran körfəzində irimiqyaslı hərbi təlim keçirir.
"Report" İRNA-ya istinadən xəbər verir ki, təlimdə ABŞ-ın Bəhreyn, Küveyt, Oman, Səudiyyə Ərəbistanı və Birləşmiş Ərəb Əmirliyindəki bazasının 3 min hərbçisi iştirak edir.
Məlumata görə, manevr martın 31-dək sürəcək.
Xəbərdə bildirilib ki, hərbi tədbir İranla bağlı deyil, təlimdə İraq və Suriyadakı İŞİD terrorçularına qarşı mübarizə tapşırıqları yerinə yetiriləcək.