Bakı. 14 yanvar. REPORT.AZ/ ABŞ-ın xüsusi təyinatlı qüvvələri Bağdad hərbi qüvvələrinə İŞİD-ə qarşı mübarizə aparmaqda kömək etmək məqsədilə İraqa yetişib. "Report" "Amerikanın səsi"nə istinadən xəbər verir ki, bunu ABŞ Müdafiə naziri Eşton Karter deyib.
Müdafiə nazirinin sözlərinə görə, komandos qüvvələrinin 200 üzvü artıq iraqlılarla əlaqə yaradıb və “yeni hədəflər, yeni hücumlar və yeni imkanlar” axtarır.
Eşton Karter bu açıqlamaları Kentukki ştatında Fort Kampbell bazasında 101-ci desant diviziyasının əsgərləri qarşısında çıxışı zamanı verib. Müdafiə naziri İraq və Suriyada geniş ərazilərin nəzarətinin İslam Dövləti qrupundan geri alınması planlarını izah edib.